انا مين ؟

انا مين
انا مين فيكي يا دنيا
انا الطيب ولا الشرير
بدواي جراح الناس
انسان قلبه كبير
ولا بسقيهم من امر كاس
سؤال سمعته كتير
من نفس حيرانه تايهة
مش عارفه هي فين
متاهة وفيها هايمة
وناس كتيرة معاها
ناس حاسه بيها
لكن الضياع ماليها
وناس تانية نايمة
عن الحقيقة مغمضة عينيها
وقلوب عن الحق صايمة
لا تلاقي خير جواها
ديما على الشر قايمة
ويكبر السؤال يا دنيا
انا مين في الحياة
واحد الخوف ملاه
ولا انسان عن اصله تاه
ومش عارف ايه اللي جواه
ولا انا حاجة تانية
مخلوق بلا اسم وعنوان
بدايته كانت منين
وفين هيكون منتهاه

شموع الحب

اشعلي الشموع
يا حبيبتي
ولتحتفلي معي
بعيدنا
بعيد حبنا
انثري ماء الورد
على جبهتي
لتعمديني
في معبد الحب
الذي بنيناه سويا
على اعمدة خفية
من لمسات حانية
ونظرات شغف
من عيون صافية
اشعلي الشموع
يا حبيبتي
لنتبادل الهدايا
ساعطيك روحي
وتعطيني روحك
وافرشي ايامنا
بزهور الياسمين
لتطيب جراحك
وليهدأ قلبي المسكين
المضرب
الخائف
من جراح العشقين
اشعلي الشموع
لتضئ يومنا
يوم اللقاء
انه قدرنا
حب بلا فناء
يرسم حياتنا

حكايتي

على ورقه مصفره قديمة
و بقلم حبره من دمعي
قررت اكتب حكايتي
جربت اكتبها على الوشين
مكملتش غير سطرين
ماحكايتي يدوب
تتقال في كلمتين
ماهو اللي زيي عنده ايه يتقال
هيحكي عن غلبه وشقاه
هيحكي عن حزنه و بكاه
ولا عن فرحه
اللي عمره ما جاه
ولا عن حلمه
اللي في الدنيا تاه
هاكتب ايه ولا ايه
واحكي عن ايه
عن اللي حاسس بيه
ولا عن اللي نفسي الاقيه
جراح في قلبي معلمه
وايام شديده متأزمه
وليالي طويلة بتمر
بكل قسوه
بتسقيني المر
ونهار نوره خاصمني
حتى قلمي
نشف منه دمعي
مش قادر يستحمل
يخلصني من حزني
ولا جيه عليا مع زمني؟
مسكت الورقة قطعتها
كانت مشاعر حبستها
عن حكايتي
اللي عايش في سجنها